Hot Khmer News

HP បញ្ចេញកុំព្យូទ័រ RAM ៣TB និងមាន HDD ៤៨TB

ព្រោះតែកំណើននៃប្រតិបត្តិការកាន់តែខ្ពស់ឡើងនៃគ្រឿង បច្ចេកវិទ្យា HP ក៏បានបញ្ចេញនូវកុំព្យូទ័រលើតុប្រភេទ Workstation ម៉ូដែល Z4, Z6 និង Z8 ដែលមានសមត្ថភាពបំពាក់ RAM ដល់ទៅ ៣TB និងមានអង្គផ្ទុកទិន្នន័យដល់ទៅ ៤៨TB។

កុំព្យូទ័រទាំង ៣ ម៉ូដែលនេះមានបំពាក់មកជាមួយ

បន្ទះ CPU ប្រភេទ Intel Xeon ពីរគ្រាប់ ចែកចេញជា ៥៦ Processing core ហើយ RAM ចន្លោះពី ២៥៦GB រហូតដល់ ៣TB (អាស្រ័យលើម៉ូដែល) ដែលធ្វើឲ្យម៉ាស៊ីននេះអាចអូសវីដេអូ Real-time កម្រិត 8Kពេលកំពុងកាត់តបានយ៉ាងរលូន។
ចេញលក់នាខែតុលាឆ្នាំ ២០១៧ ជាមួយតម្លៃ ១ ៩១៩ ដុល្លារសម្រាប់ម៉ូដែល Z6, តម្លៃ ២ ៤៣៩ ដុល្លារ សម្រាប់ម៉ូដែលកំពូល Z8 និងតម្លៃ ១ ២៣៩ ដុល្លារសម្រាប់ម៉ូដែល Z4 ដែលចេញលក់ខែវិច្ឆិកា ឆ្នាំ ២០17

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Hot khmer news
ចុចអានបន្ត ៖

ប្រភព៖ Dpreview ប្រែសម្រួល៖ រដ្

ខែក្រោយ Google ចេញស្មាតហ្វូន ដែលអស្ចារ្យជាង iPhone X

Google បានប្រកាសពីកាលបរិច្ឆេទកម្មវិធីដាក់តាំងបង្ហាញនូវកំពូលស្មាតហ្វូនជំនាន់ក្រោយរបស់ខ្លួនម៉ូដែល Pixel 2 នាថ្ងៃ ៤ ខែតុលា ឆ្នាំ ២០១៧ នេះ។

ទន្ទឹមការប្រកាសនេះ អ្នកវិភាគទីផ្សារភាគហ៊ុនផលិតផលបច្ចេកវិទ្យាបានអះអាងថា Pixel 2 នឹងមានបំពាក់បច្ចេកវិទ្យា ជាមួយនឹងរូបរាងអស្ចារ្យជាង iPhone X ដែល Apple ទើបបញ្ចេញក្នុងសប្ដាហ៍នេះ។

ចំពោះម៉ូដែល Pixel 2 នេះ គឺជាផលិតផលដែល Google សហការផលិតជាមួយក្រុមហ៊ុន HTC ខណៈម៉ូដែល Pixel 2 Plus ជាផលិតផលដែលសហការជាមួយក្រុមហ៊ុនបច្ចេកវិទ្យារបស់ជប៉ុន LG។ នេះបើយោងតាមប្រភពពីទីផ្សារភាគហ៊ុនរបស់អាមេរិក

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ CNBC ប្រែសម្រួល៖ រដ្ឋ

វិធីសាស្ត្រ ៩ចំណុចយកឈ្នះភាពខ្ជិល ដើម្បីក្លាយជាមនុស្សជោគជ័យ

ភាពខ្ជិលច្រអូស គឺជាទម្លាប់អាក្រក់មួយ ដែលតែងកើតលើមនុស្សគ្រប់រូប ប៉ុន្តែអាចកែខៃយកឈ្នះកុំឲ្យវាមកត្រួតត្រាបាន ដោយអនុវត្តតាមវិធីសាស្ត្រ ៩ចំណុចដូចខាងក្រោម។
១. បំបែកការងារធំ ទៅជាការងារតូចៗ៖ ពេលខ្លះ អ្នកចាប់ផ្ដើមខ្ជិល ពេលឃើញការងារធំមួយ មិនដឹងថាបញ្ចប់ដោយរបៀបណា ឬត្រូវចំណាយពេលច្រើនម៉ោងជាដើម។ ដូចនេះ ត្រូវបំបែកវាជាតូចៗ ហើយធ្វើម្ដងមួយ ទើបអាចឲ្យអារម្មណ៍ស្រស់ស្រាយ ក្នុងការបញ្ចប់ការងារនោះ ដោយមិនខ្ជិល។

២. ដកឃ្លាមកសម្រាក គេង និងហាត់ប្រាណ៖ ក្នុងករណីខ្លះ ភាពខ្ជិលកើតឡើងដោយសារអស់កម្លាំង និងអស់ថាមពលពីខ្លួន។ ចំណោះស្រាយ គឺអាចផ្ដល់ការសម្រាកខ្លះដល់ខ្លួនឯងសិន កុំបន្តធ្វើទាំងខ្ជិល ដោយគ្មានបានផលអ្វី។ អាចគេងបន្តិច រួចហាត់ប្រាណ ដើម្បីឲ្យទទួលបានភាពស្រស់ថ្លាឡើងវិញ។
៣. គិតពីប្រយោជន៍នៃការងារ៖ អ្វីដែលអ្នកកំពុងធ្វើ ត្រូវគិតពីប្រយោជន៍របស់វា ទើបធ្វើដោយមិនខ្ជិល។ ចៀសវាងគិតពីការលំបាក ឬឧបសគ្គ ដែលអាចរាំងស្ទះកម្លាំងចិត្តរបស់អ្នក រហូតឈានទៅរកភាពខ្ជិល។ គួរគិតពីចំណុចវិជ្ជមាន នៃអ្វីដែលកំពុងធ្វើ នោះអ្នកនឹងមានកម្លាំងចិត្តបន្ត។
៤. គិតថាខ្លួនឯងចង់ក្លាយជាអ្វី៖ មនុស្សដែលមានគោលដៅច្បាស់ ធ្វើអ្វីមួយដោយគ្មានពាក្យថាខ្ជិលឡើយ។ ដើម្បីសម្រេចបំណងដែលខ្លួនចង់បាន និងដឹងថាខ្លួនចង់ក្លាយជាអ្វី នោះអ្នកអាចលើកទឹកចិត្តខ្លួនឯង លាចាកពីពាក្យថា ខ្ជិល។

. ពីផលវិបាក នៃភាពខ្ជិល៖ ត្រូវគិតថា មានអ្វីកើតឡើង បើអ្នកបណ្ដោយខ្លួនឲ្យខ្ជិល និងមិនបានបំពេញការងារដែលខ្លួនចង់ធ្វើនោះ។ បន្ទាប់ពីគិតហើយ ត្រូវចាប់ផ្ដើមធ្វើភ្លាម នោះអ្នកនឹងជក់ដៃធ្វើ ដោយលែងមានពាក្យថាខ្ជិលទៀតហើយ។
៦. កុំចាប់ធ្វើរឿងច្រើនក្នុងពេលតែមួយ៖ ត្រូវផ្ដោតលើរឿងតែមួយ ដើម្បីបញ្ចប់ដោយជោគជ័យ មុនចាប់ផ្ដើមឈោងចាប់ការងារមួយទៀត។ នៅពេលមានការងារច្រើន អ្នកនឹងមានអារម្មណ៍ថា "លើសហើយ" រួចក៏ចាប់ផ្ដើមខ្ជិល។
៧. ប្រាប់ខ្លួនឯងថាត្រូវធ្វើ៖ ត្រូវរំឭកខ្លួនឯងជាប្រចាំថា ពេលវេលាមិនចាំឡើយ បើមិនធ្វើហើយ ២៤ម៉ោងប្រាកដជាកន្លងហួសយ៉ាងលឿន។ ដាស់តឿនខ្លួនឯងថា ទាល់តែធ្វើទើបមានលទ្ធផល... ទាល់តែធ្វើ ទើបអាចសម្រេចគោលបំណងបាន។
៨. ចាត់ទុកការងារ ជាការហាត់ប្រាណ៖ ត្រូវគិតថាការងារទាំងអស់ ប្រៀបដូចជាការហាត់ប្រាណ ធ្វើឲ្យរាងកាយកាន់តែរឹងមាំ ធ្វើច្រើន កាន់តែសកម្ម។
៩. រៀនតាមគំរូបុគ្គលជោគជ័យ៖ មើលបុគ្គលជោគជ័យ ថាគេធ្វើយ៉ាងណា ទើបមិនឲ្យភាពខ្ជិលត្រួតត្រាបាន។ នៅពេលសកម្មកាន់តែច្រើន ភាពខ្ជិលក៏ចាកចេញម្ដងបន្តិច ហើយអ្នកនឹងកាន់រឹងមាំ៕
ចុចអានអត្ថបទ៖

ប្រភព៖ successconsciousness ប្រែសម្រួល៖ គង់ វិសាល

iPhone 7 និង 7 Plus ពណ៌ក្រហមអស់ស្តុក ក្រោយចេញ iPhone 8, 8 Plus និង iPhone X

iPhone 7 និង 7 Plus ពណ៌ក្រហមអស់ស្តុកក្រោយចេញ iPhone 8, 8 Plus និង iPhone X ឥឡូវនេះ iPhone 7 និង iPhone 7 Plus ពណ៌ក្រហមដែលក្រុមហ៊ុន Apple ដែលបានប្រកាសកាលពីខែមិនាកន្លងទៅ លែងមានស្តុកហើយក្រោយ iPhone 8, iPhone 8 Plus និង iPhone Xបង្ហាញរូបរាងផ្លូវការកាលពីពេលថ្មីៗនេះ ។

Phone 7 និង iPhone 7 Plus ពណ៌ក្រហមដែលជាផលិតផលសប្បុរសធម៌រួមចំណែកលុបបំបាត់វីរុសហ៊ីវ និងជំងឺអេដស៍នៅតែមានលើវិបសាយលក់រាយដូចជា Best Buy និង Amazon តែស្ដុកមានកំណត់ ខណៈឥវ៉ាន់ថ្មីនឹងមិនមានឡើយ ។ ដោយឡែក iphone7 មានពណ៌ខ្មៅ ខ្មៅរលោង ប្រាក់ មាស និងពណ៌ផ្កាឈូក នៅមានក្នុងស្ដុកនៅឡើយ៕

ប្រភព៖ GSMarena ប្រែសម្រួល៖ ហេង សុធារិទ្ធិ

ចង់ដឹងអត់ ស គីមស៊ា ចូលគេងម៉ោងប៉ុន្មាន ទើបរៀនពូកែដល់ថ្នាក់ហ្នឹង?

ក្រោយប្រកាសលទ្ធផលប្រឡងមធ្យមសិក្សាទុតិយភូមិឆ្នាំ២០១៧ សិស្សឆ្នើម ស គីមស៊ា ទទួលបាននិទ្ទេស A លំដាប់ពិន្ទុ១០០ពេញ តែម្នាក់គត់ទូទាំងប្រទេសកម្ពុជា។ ក្នុងនោះមានសិស្សានុសិស្សមួយចំនួនចង់ដឹងថា តើរាល់យប់ គីមស៊ា ចូលគេងម៉ោងប៉ុន្មាន ទើបបានជារៀនពូកែម្ល៉ឹងៗ?

តាមរយៈបទសម្ភាសដោយផ្ទាល់ជាមួយ Sabay គីមស៊ា ប្រាប់ថា រូបគេចូលចិត្តចំណាយពេលរៀនពេលយប់ច្រើន។ ដូច្នេះការគេងអាចយប់ជ្រៅបន្តិចដែរ ក្នុងនោះ គីមស៊ា បែងចែកជា២របៀបដូចខាងក្រោម៖

ដើមឆ្នាំគីមស៊ា ចូលគេងម៉ោង ១២រំលងអាធ្រាត្រ
ក្រោយពេលប្រឡងឆមាសទី១ហើយ គីមស៊ា ប្រាប់ថា អាចគេងម៉ោង ១ ឫ២រំលងអាធ្រាត្រ

យ៉ាងណាក្ដី សិស្សឆ្នើមវ័យក្មេងរូបនេះប្រាប់ថា ការគេងអាចរៀងយប់ជ្រៅបន្តិចមែន ប៉ុន្តែទម្រាំក្រោកអាចខ្ទង់ម៉ោង ៨ ឫ៩ព្រឹកឯណោះ៕
ទស្សនាវីដេអូខាងក្រោមនេះ៖

ចុចអានអត្ថបទពាក់ព័ន្ធ៖

អត្ថបទ៖ ថោ ច័ន្ទឬទ្ធិ

អគ្គស្នងការនគរបាលជាតិ ចុះកិច្ចព្រមព្រៀងលើសេវាកម្មធានារ៉ាប់រងថ្មី

អគ្គស្នងការនគរបាលជាតិ បានចុះហត្ថលេខាកិច្ចព្រមព្រៀងថ្មីមួយស្ដីពីការសហការផ្ដល់សេវាកម្មធានារ៉ាប់រងដល់ជនរងគ្រោះ ដោយសារគ្រោះថ្នាក់ចរារចរណ៍នៅកម្ពុជា ជាមួយក្រុមហ៊ុនធានារ៉ាប់រង អេច អាយ ម៉ាយក្រូអ៊ិនសួរេន កាលពីថ្ងៃទី ៧ កញ្ញា សប្ដាហ៍មុន នៅសណ្ឋាគារ សាន់វេ។

ពិធីចុះហត្ថលេខាលើអនុស្សរណៈនៃការយោគយល់គ្នាមួយនេះ ធ្វើឡើងក្រោមអធិបតីភាពរបស់ឯកឧត្ដម នាយឧត្តមសេនីយ៍ សន្តិបណ្ឌិត ឯម សំអាន រដ្ឋលេខាធិការក្រសួងមហាផ្ទៃ មន្ត្រីជាន់ខ្ពស់ស្នងការនគរបាលជាតិ និងថ្នាក់ដឹកនាំក្រុមហ៊ុនធានារ៉ាប់រងខាងលើ។

នាយឧត្ដមសេនីយ៍ គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ ថ្លែងសាទរក្នុងពិធីនេះថា កិច្ចសហការនេះ មានផលល្អប្រសើរសម្រាប់ជនរងគ្រោះទាំងឡាយដែលជួបបញ្ហាលើដងផ្លូវ។ "មូលហេតុដែលក្រសួងមហាផ្ទៃ អនុញ្ញាតឲ្យចុះអនុស្សរណៈនេះ ដោយសារ សម្ដេច លោកបានពិនិត្យឃើញថា សេវាកម្មនេះមានប្រយោជន៍ជាច្រើន ជាពិសេសជួយសម្រាលបន្ទុកដ៏ធ្ងន់របស់រាជរដ្ឋាភិបាល ទាក់ទងដល់ជនរងគ្រោះដោយសារគ្រោះថ្នាក់ចរាចរណ៍ និងសម្រាលបន្ទុករបស់ជនរងគ្រោះខ្លះដែលគ្មានសមត្ថភាពចំណាយលើសេវាមន្ទីរពេទ្យ ជាដើម"។

ឯកឧត្តម បន្តថា វិសាលភាពនៃសេវាកម្មនេះ គឺបានច្រើន មិនមែនផ្តោតតែលើអ្នកទិញសេវាកម្មនេះទេ ដោយលើកជាឧទាហរណ៍ថា “មានបងប្រុសម្នាក់ ទិញម៉ូតូភ្ជាប់ជាមួយធានារ៉ាប់រង RVI។ ករណីមានប្អូនស្រីគាត់ ឬប្អូនប្រុស ឬអ្នកដទៃដែលជិះម៉ូតូនេះ នឹងទទួលបានការផ្ដល់សេវាធានារ៉ាប់រងនេះដូចគ្នា"។

ចុងខែកញ្ញា នេះ ក្រុមហ៊ុន នឹងប្រកាសដាក់លក់សេវាកម្មធានារ៉ាប់រងនេះជាផ្លូវការ។ សម្រាប់សេវាកម្មធានារ៉ាប់រង RVI នេះ ជនរងគ្រោះនឹងទទួលបានសំណងលើ៖

ការព្យាបាលរបួស
ពិការភាព និង
បាត់បង់ជីវិត។

តារាងតម្លៃ RVI តាមប្រភេទយានយន្ត៖

១៧ ដុល្លារអាមេរិក/ឆ្នាំ សម្រាប់ម៉ូតូ
២០ ដុល្លារអាមេរិក/ឆ្នាំ សម្រាប់រ៉ឺម៉កកង់បី ឬម៉ូតូ + ផ្នែកបន្ថែម (បន្ថែមកង់)
៧០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរមិនលើស ៥ នាក់)
៨០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរលើស ៥ នាក់)
៩០ ដុល្លារអាមេរិក/ឆ្នាំ សម្រាប់យានយន្តផ្សេងៗដែលមានកង់ច្រើនជាង ៤ ។

អ្នកអាចទិញធានារ៉ាប់រងគ្រោះថ្នាក់ចរាចរណ៍ គ្របដណ្ដប់ជនរងគ្រោះ (RVI) នៅទីស្នាក់ការកណ្ដាលក្រុមហ៊ុន អេច.អាយ ម៉ាយក្រូ អិនសួរេន នៅរាជធានីភ្នំពេញ ឬនៅតាមភ្នាក់ងារទ្រូម៉ាន់នី ទូទាំងកម្ពុជា។

សម្រាប់ព័ត៌មានបន្ថែម សូមទាក់ទង៖

Hotline 1800 20 88 77 ឬទូរសព្ទលេខ 023 888 777
វិបសាយ www.rvi.com.kh
ហ្វេសប៊ុក rvi.cam
អាសយដ្ឋាន៖ ផ្ទះលេខ ៣៣ ផ្លូវលេខ ៣៣៧ ខណ្ឌទួលគោក រាជធានីភ្នំពេញ៕

មកស្គាល់ជើងខ្លាំងទាំង ៣រូបជាប់និទ្ទេស Aតែម្នាក់ឯងគត់ ប្រចាំខេត្តរបស់ខ្ល

លទ្ធផលប្រឡងមធ្យមសិក្សាទុតិយភូមិក្នុងឆ្នាំ ២០១៧ បានប្រកាសជាផ្លូវការកាលពីម្សិលមិញនេះ សម្រាប់រាជធានីភ្នំពេញ និងខេត្តកណ្ដាល។ ដោយឡែកនៅតាមបណ្ដាខេត្តក្រសួង បានប្រកាសជាផ្លូវការនៅថ្ងៃនេះ។ ជាការចាប់អារម្មណ៍ បេក្ខជនជាប់និទ្ទេស A ទូទាំងប្រទេសឆ្នាំនេះមានចំនួនរហូតទៅដល់ ៤២៤នាក់ឯណោះ។ ក្នុងនោះមាន៣ខេត្តបេក្ខជនជាប់និទ្ទេសមានតែម្នាក់ៗប៉ុណ្ណោះ។ ដូច្នេះសូមមកស្គាល់ឈ្មោះជើងខ្លាំងទាំង ៣រូបនោះទាំងអស់គ្នា។
១. ខេត្តកំពង់ស្ពឺ

ចុចអាន៖

អត្ថបទ៖ ថោ ច័ន្ទឬទ្ធិ

គយគន់សម្រស់តារាស្រីក្នុងឈុតប្រពៃណី ទៅវត្តកាន់បិណ្ឌ

ក្នុងឱកាសពិធីបុណ្យកាន់បិណ្ឌនេះ តារាសម្តែង ចម្រៀង និងពិធីការិនីបានឆ្លៀតយកចង្ហាន់ និងទ័យទានទៅប្រគេនព្រះសង្ឃដែលគង់ចាំព្រះវស្សានៅក្នុងទីវត្តអារ៉ាមនានាបណ្តើរៗហើយ។

ក្នុងនោះដែរយើងសង្កេតឃើញមានតារាស្រីៗមួយចំនួនបានរៀបចំខ្លួនទៅកាន់បិណ្ឌដោយទឹកចិត្តជ្រះថ្លា ក្នុងសម្លៀកបំពាក់ប្រពៃណី មើលទៅពិតជាស្រស់ស្អាត និងស័ក្តិសមជាស្រ្តីខ្មែរ!

១. តារាសម្តែង ដួង ម៉ានិច

ចុចអាន៖

អត្ថបទ៖ ដេត ធន្នី

ត្រៀមខ្លួនឲ្យហើយ! អ្នកជាប់និទ្ទេស Aទាំង៤២៤នាក់ត្រូវទៅវិមានសន្តិភាព

បេក្ខជនទទួលបាននិទ្ទេសA ក្នុងការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៧ ទាំង៤២៤នាក់ នឹងត្រូវបានអនុញ្ញាតឱ្យចូលជួបសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៅវិមានសន្តិភាពក្នុងពេលខាងមុខ ព្រមទាំងបានទទួលនូវរង្វាន់លើកទឹកចិត្តថែមទៀតផង។ បើតាមទំព័រហ្វេសប៊ុកផ្លូវរបស់របស់ក្រសួងអប់រំយុវជន និងកីឡា។

សូមជម្រាបថា សម្រាប់ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៧នេះ បេក្ខជនដែលទទួលបាននិទ្ទេសA មានចំនួន ៤២៤នាក់ និទ្ទេសB ចំនួន ២ ៤៦៤នាក់ និទ្ទេសC ចំនួន ៥ ០០០នាក់ និទ្ទេស D ចំនួន ៩ ១២៣នាក់ និងនិទ្ទេស E ចំនួន ៤៦ ៦៥៧នាក់៕

អត្ថបទ៖ ថោ ច័ន្ទឬទ្ធិ

ត្រឹម៣ថ្ងៃ រឿងឈរលើតារាង Box Office លេខ១សប្ដាហ៍នេះ រកចំណូលបានខ្ទង់រយលានដុល្លារ

“It” ជាប្រភេទរឿងបែបរន្ធត់ អាថ៌កំបាំង បានដណ្ដើមលេខ១ក្នុងតារាង Box Office សហរដ្ឋអាមេរិកជាមួយនឹងទឹកប្រាក់ដល់ទៅ ១១៧,១លានដុល្លារ ក្នុងរយៈពេលតែ៣ថ្ងៃសម្រាប់សប្ដាហ៍ដំបូង។

ចំនួនទឹកប្រាក់នេះគឺកំណត់ថាជាទឹកប្រាក់ច្រើនបំផុតសម្រាប់រឿងដាក់បញ្ចាំងក្នុងខែកញ្ញា បំបាក់រឿង "Hotel Transylvania 2” ដែលធ្លាប់ជាម្ចាស់តំណែងនេះ។ "It” គឺជាស្នាដៃថ្មីមួយរបស់អ្នកនិពន្ធល្បីឈ្មោះ Stephen King បានទទួលការជោគជ័យខ្លាំង ធ្វើឲ្យចំនួនទឹកប្រាក់ Box Office មានការកើនឡើង បន្ទាប់ពីចំនួនទឹកប្រាក់បានធ្លាក់ចុះយ៉ាងគំហុក បើប្រៀបធៀបពីក្នុងរយៈពេលជាង២០ឆ្នាំមកនេះកាលពីសប្ដាហ៍មុន។

“It” ទទួលបានជោគជ័យយ៉ាងត្រចេះត្រចង់យ៉ាងនេះ គឺបណ្ដាលមកពីការផ្សព្វផ្សាយបានល្អ និងមានការនិយាយតគ្នាពីមាត់មួយទៅមាត់មួយមិនឈប់ ធ្វើឲ្យមនុស្សជាច្រើនសម្រុកទៅមើលរឿងនេះយ៉ាងកុះករ។ រឿងនេះគេបានកំណត់រួចហើយថា នឹងក្លាយជារឿងដ៏ល្អមួយដែលអាចរកចំណូលបានយ៉ាងច្រើនក្នុងឆ្នាំ ២០១៧។

តំណែងលេខ២ក៏បានទៅលើរឿងចំណូលថ្មីដែរ គឺរឿង "Home Again” ជារឿងសម្ដែងដោយតារាសម្ដែង Reese Witherspoon រកចំណូលបាន ៩លានដុល្លារក្នុងរយៈពេល៣ថ្ងៃបន្ទាប់ពីដាក់បញ្ចាំង។

ស្ថិតក្នុងចំណាត់ថ្នាក់លេខ ៣ គឺបានទៅលើរឿង "The Hitman's Bodyguard” រកប្រាក់បាន ៤,៨លានដុល្លារក្នុងសប្ដាហ៍ទី៤។ នេះបានធ្វើឲ្យទឹកប្រាក់ចំណូលសរុបតែក្នុងសហរដ្ឋអាមេរិកឡើងដល់ ៦៤,៨លានដុល្លារហើយ។

អត្ថបទ៖

ប្រភព៖ ScreenRant ប្រែសម្រួល៖ ធារ៉ូ

មកមើលម៉ូដសម្លៀកបំពាក់ស្អាតៗ របស់តារាល្បីៗចូលរួមកម្មវិធី New York Fashion Week

New York Fashion Week គឺជាកម្មវិធី Fashion Show ដ៏ធំមួយធ្វើឡើងនៅរាល់ខែកុម្ភៈ និងកញ្ញាជារៀងរាល់ឆ្នាំ។ កម្មវិធីនេះជានិច្ចកាលមានរយៈពេលពី ៧ ទៅ ៩ថ្ងៃ សម្រាប់បង្ហាញសម្លៀកបំពាក់ម៉ូដថ្មីពីក្រុមហ៊ុមផលិតសម្លៀកបំពាក់ល្បីៗទូទាំងពិភពលោក ហើយកម្មវិធីនេះក៏បានត្រលប់មកវិញសប្ដាហ៍មុននេះ។

តារាល្បីៗជាច្រើនរូបបានចូលរួមកម្មវិធីនេះដោយបង្ហាញនូវសម្លៀកបំពាក់ស្រស់ៗស្អាតមិនធម្មតា៕

នេះជាបណ្ដាតារាៗល្បីៗដែលបានចូលរួម៖

អានអត្ថបទ៖

ប្រភព៖ Wikipedia | Instagram ប្រែសម្រួល៖ ធារ៉ូ

កាន់តែងាយស្រួល រហ័ស ហាងទំនិញលក់របស់សម្បូរបែប បើក២៤ម៉ោង នៅភ្នំពេញ

Super Duper ជាហាងលក់ទំនិញទីមួយ នៅទីក្រុង ដែលបើកបម្រើសេវាកម្ម ២៤ម៉ោងនាពេលបច្ចុប្បន្ន។

ប្រធានផ្នែកគ្រប់គ្រងហាង Super Duper លោក Hean Sambath បានឲ្យដឹងថា ហាងថ្មីដ៏សម្បូរបែបមានលក់ដូចជា គ្រឿងទេស និងផលិតផលប្រើប្រាស់ក្នុងផ្ទះសម្រាប់បម្រើដល់តម្រូវការប្រចាំថ្ងៃរបស់អ្នក ក៏ដូចជាទំនិញជាច្រើនមុខដែលអ្នកពិបាកស្វែងរកនៅតាមហាងដទៃទៀតក្នុងក្រុងភ្នំពេញ។

“គោលដៅធំបំផុតរបស់ខ្ញុំ គឺធ្វើយ៉ាងណាឲ្យអតិថិជនពេញចិត្តនូវសេវាកម្មពួកយើង។ ហើយពួកខ្ញុំប្តេជ្ញានឹងធ្វើឲ្យការទិញទំនិញប្រចាំថ្ងៃអ្នកប្រកបដោយភាពងាយស្រួលរហ័ស និងសប្បាយរីករាយជាមួយនឹងសេវាពួកខ្ញុំ។ ក្នុងពេលបច្ចុប្បន្ន ហាងនេះ បន្តរីកលូតលាស់ និងអភិវឌ្ឍ ទៅមុខជានិច្ច ក្នុងការកសាងទំនាក់ទំនងយូរអង្វែង ដើម្បីផលប្រយោជន៍ទៅវិញទៅមកជាមួយអតិថិជន និងដៃគូក្នុងការលក់របស់យើង"។ នេះជាការលើកឡើងពីលោក Hean Sambath។

ម្ចាស់ហាងខាងលើបានបញ្ជាក់ទៀតថា ជារៀងរាល់ថ្ងៃហាងលោក ទទួលបានការផ្គត់ផ្គង់នូវស្តុកថ្មីៗ ដែលរួមមានបន្លែ ផ្លែឈើ ត្រីសាច់ ឈីស អាហារឆៅ និងផលិតផលទឹកដោះគោទៀតផង។ Super Duper មានអាសយដ្ឋាននៅកែងមហាវិថីព្រះសីហនុ(២៧៤) និងវិថីសុធារស(៣) រាជធានីភ្នំពេញ៕

ដោយ៖ ថា ម៉ាលីដា